洪卓立認戀Hillary發表愛的宣言 「努力令她成為『貪慕虛榮』的人」

現年35歲嘅歌手洪卓立（Ken）單身多時，早前不慎喺社交平台限時動態上載咗一張《膠戰》Hillary（劉沛蘅）抱住狗狗嘅照片，令二人戀情曝光。不過當時Ken同Hillary都冇承認拍拖，指對方係朋友，然而紙都係包唔住火，Ken終於認愛。

同場加映： 飛虎3壯志英雄丨蔡思貝認表裡不一軟弱時需要陪伴 「事業未成唔會諗結婚生仔」

{{hket:ul-video id="5494"}}{{/hket:ul-video}}

今日有傳媒影到女方出入男方喺大圍住所，二人疑似同居。報導指Hillary本身家境唔錯住何文田千萬豪宅，熱戀中嘅佢為享受二人世界，搬往男方位於大圍舊樓。

Ken今日終於喺IG貼出二人「仔女」，肥膏、CHOCO同埋Baileys三隻愛犬嘅相片再留言認愛，他謂：「多謝大家關心。佢係我見過最善良最有愛心嘅女仔，我哋每一日都好開心。」佢亦回應女方「屈就」住佢大圍屋企，指自己都係靠自己置業：「其實呢個單位買咗好幾年，我哋亦都係財政獨立，我好開心看到她的發展，而我自己一直都有工作在身，識我嘅朋友都知我從來都靠自己。當然我會努力，令她成為『貪慕虛榮』的人。」

{{hket:inline-image name="277581244_1161777567946438_355373826283733717_n.jpg"}}{{/hket:inline-image}}

Ken亦向受影響街坊道歉，同時亦希望傳媒畀空間佢同Hillary，彼此互相尊重。雖然Hillary暫時未有表態，但佢班「膠戰友」岑珈其、魏浚笙同阿正等都喺Ken出嘅Post下面留言祝福：「知道家姐（Hillary）好幸福， 一直甜甜蜜蜜。」、「要一直錫住我家姐，錫到燶，祝福。」

唔少網民都係《膠戰》Fans，大讚Hillary係好女仔，又拎Ken舊愛湯怡相比，覺得Hillary同Ken更加合襯。Ken 2018年宣布與湯怡分手，二人拍拖11年，唔少人都以為佢哋有機會復合，不過上年湯怡同麥秋成奉女成婚，再加埋Ken而家同Hillary拍拖，呢段舊戀情都係可以真正「告一段落」。